બનાવેલ ઔષધો અને બનાવટોના સબંધમાં ઉલ્લંઘન બદલ શિક્ષા

જે કોઇ વ્યકિત, આ અધિનિયમની જોગવાઇઓનું અથવા તે હેઠળ કરેલા કોઇ નિયમ અથવા હુકમનું અથવા તે હેઠળ આપેલ કોઇ લાયસન્સની શરતનું ઉલ્લંઘન કરીને બનાવેલ ઔષધ અથવા કોઇ બનાવેલી ઔષધવાળી કોઇ બનાવટ બનાવે, કબજામાં રાખે, વેચે, ખરીદે, હેરફેર કરે, આંતરરાજય આયાત કરે, આંતરરાજય નિકાસ કરે અથવા ઉપયોગ કરે તે વ્યકિત (એ) જો ઉલ્લંઘનમાં નાનો જથ્થો સંડોવાયેલો હોય તો એક વષૅ સુધી સખત કેદની અથવા દસ હજાર રૂપિયા સુધીના દંડ અથવા તે બંને (બી) ઉલ્લંઘનમાં વાણિજિયક જથ્થા કરતા ઓછો જથ્થો પણ નાના જથ્થા કરતા વધુ જથ્થો સંડોવાયેલ હોય ત્યારે દશ વષૅ સુધીની સખત કેદની અને એક લાખ રૂપિયા સુધીના દંડની સજાને પાત્ર છે. (સી) ઉલ્લંઘનમાં વાણિજિયક જથ્થો સંડોવાયેલ હોય તો દસ વષૅ કરતા ઓછી ન હોય પણ વીસ વષૅ સુધીની સખત કેદની શિક્ષાને પાત્ર થશે અને એક લાખ કરતા ઓછો નહી પણ બે લાખ સુધીના દંડને પાત્ર શથે. જોગવાઇ કરવામાં આવી છે કે કોટૅ ફેસલામાં કારણોની નોંધ કરીને બે લાખ રૂપિયા કરતાં વધુ દંડ કરી શકશે.